සොදුරු අතීතය.....03

දෙවන කොටස

කෙසේ වෙතත් ඈ පිළිබදව තිබුනු වැරදි ආකල්පය‍ය නිසා මා ඇයව එතරම් ගණන් නොගත් බව කලින් දවසක කීවා ඔබට මතක ඇති..

 

මට ඔයාට පොඩ්ඩක් කතා කරන්න පුලුවන්ද.? 

හ්ම්..පුලුවන්.. ඇයි.? 

මට ඔයාගේ විද්‍යාව පොත දෙන්න පුලුවන්ද? ගෙදර ගෙනියන්න.පරණ නෝට් වගයක් තියනවා ලියා ගන්න.. 

හ්ම්... 

 

ඇගේ ඉල්ලීම තුල ඉවත දමන්නට තරම් හේතුවක් නොතිබුන බැවින් මා ඇයට පොත ලබා දුන්නෙමි.

 

මම මේක ඉල්ලගන්න හිටියේ නිවාඩු කාලෙට කලින්.. 

ඒත් මට අමතක උනා..

 ඇයනම් පුදුමය.. සමාවෙන්න..!!කෙල්ලන් නම් පුදුමය.උන් අද ගැන පමනක් නොව හෙට ගැනත් සිතනා අමුතු ජාතියකි. ඇය කලින් දිනක මා සමග රණ්ඩු උන ආකාරය ඔබට මතක ඇතැයි සිතමි.නමුත් පෙරලා ඇය මගෙන් සමාව ගත් බවත් ඔබට මතක් ඇතැයි සිතමි.දැන් හේතුව පැහැදිලිය.ඇයට අවශ්‍යව තිබුනේ මගේ පොතය. කෙසේ වෙතත් උන් කපටිය.කෙසේ හෝ තම අවශ්‍යතාවය ඉටු කරන්නට උන් දන්නවාය.ඒ කෙල්ලන්ගේ සහජ හැකියාවය. කොල්ලන්න්ට සැමදා සිදු වන්නේ උන්ගේ අවශ්‍යතාවය ඉටු කර පැත්තකට වන්නටය. 

 

 කෙසේ වෙතත් දවස් දෙකකින් පසු ඇය මට පොත ගෙනත් දුන්නේ මා පාසල් නොපැමිණී දින වලදී ලියා ගන්නට අතපසු වූ නෝට් වගයක්ද ලියා දෙමිනි. 

ඔන්න ඔයාට ලියන්න අමතක වෙච්ච නෝට් වගේකුත් මන් ලිවුවා.කමක් නැද්ද මන්දා.. 

ආ..අවුලක් නෑ.. 

ඇයි ඉතින් ඒවා ලියලා නැත්තේ..? 

 හ්ම්.ඒ මන් ඉස්කෝලේ අපු නැති දවස්වල ලියාගන්න බැරි වුන ඒවා.. ආය ලියන්න කම්මැලී.. 

හරි..හරි..ඔන්න මන් ලියුවා.. 

 

ඔයානන් මරුනේ..දැන් මට හැමදාම පුලුවන් මම ඉස්කෝලෙ ආපු නැති දවසට ඔයාට කියල නෝට් එක ලියා ගන්න.ඔයාට පුලුවන් නේද හැමදාම මට ලියලා දෙන්න.. 

 

මා එසේ ඇයට කියන්නට සිතුවද..

මාහේ සුන්දව අතිජාත වාචාලා කට ඇයට කිවුවේ වෙන දෙයකි 

  

"අයියෝ ඒකට කමක් නෑ" 

 

 මා අසා ඇති තරමින් රුව ඇති දුවෙක් ලබන්නත් කට ඇති පුතෙක් ලබන්නත් දෙමාපියන් වාසනාවන්ත වෙන්න ඕනලු.. නමුත් කොච්චර කට ඇති පුතෙක් සිටියත් රුව ඇති දුවක් ඉදිරියේ..පුතාට සිදුවන්නේ..කටට එනදේ සිතා පැත්තකට වන්නටය.